Preguntanan Frekuente

Komo trahadó sosial mi a realisá e nesesidat pa un bos sosial, sintá na e mesanan ku ta tuma desishon. Mi a ripará ku ta papia di e probemátika sosial for di un aspekto finansiero i no sosial.

PAR semper tabata e úniko opshon, pa e echo ku PAR ta para pa ekselensia i uso di e potential maksimo di e persona.

Un di e preguntanan ku komo miembro di Parlamento bo ta haña ku frekuensia. E salario bruto di un parlamentario ta Ang. 12.000,-  esaki ta inkluí kompensashon pa entre otro transporte. E salario a keda fihá den e lei ‘Geldelijke Voorziening Statenleden’  na aña 2021.

Mi ta kere ku kada persona meresé respèt i dignidat, sin importá nan oríentashon seksual òf identidat di género. Bo oríentashon no mester ta motibu pa diskriminashon. Respèt mutuo ta esensial pa un komunidat fuerte i ku kada hende, inkluyendo komunidat LGBTQ+, mester sinti nan sigur i valorá den nos sosiedat.

Mi a skohé un estilo di bida vegetariano, motivá pa mi amor pa bestia. Mi no ta di akuerdo ku e idea ku un bestia mester muri pa mi por kome. Den 2021, mi a disidí di stòp di kome karni kòrá di un bes, i na yanüari 2022, mi a stòp di kome galiña i piska.

Dor di esaki mi a desaroyá un defisiensiá di e vitamina B12. Riba konseho médiko, mi a kuminsá kome piska un òf dos biaha pa siman te ora nos por haña e manera korekto pa mi kurpa haña proteina balansá.

Dùs, esei ta hasi mi ofisialmente ‘Pesketariano’. Si bo ta puntra, nò, mi no ta sinti ningun falta di karni.

Mi ta konsiente ku e hecho ku mi no ta kome karni no ta eliminá e konsumo di bestia den su totalidat, pero mi ta kere ku kada un di nos tin un ròl.

Na aña 2013 a baha e kastigu pa abusu relashonal i mi ta di opinion ku mester subi esaki bèk. Kastigu no ta un metodo pa spanta un persona di kometé un krimen, pero sí, un kastigu hustu pa akto kometé.

I komo eks direktor di SSHC mi ta mira demasiado kaso di abusu relashonal severo, ku ta keda kastigá ku un kastigu mínimo.

Enseñansa liber a trese un reto adishonal, spesialmente pa skolnan. Na momento ku e a introdusí enseñansa liber, no a tende kuenta ku e montante ku skolnan lo pèrdè na entrada. Esaki a okashoná un bashi  finansiero pa e skolnan. Si nos kier mantené enseñansa liber, nos mester adaptá e V&V stelsel. 

E ta bai zona hopi laf, pero den mi tempu liber mi ta gusta pasa tempu ku famia. Mi ta tuma mi tempu liber pa relahá, wak pelikula i lesa un buki.

Mi relashon ku Dios ta e fundamènt di mi bida. Mi fe ta sostenémi na momentu di difikultat. Mi ta kere ku Dios ta presente pa tur paso ku mi tuma i su amor i bendishon ta mustrá mi riba e kaminda korekto. Ora mi tin duda òf mi ta pasa momentu difísil, mi ta drenta den orashon pa haña pas i klaridat. E relashon aki no solamente ta fortalesé mi fe, pero tambe ta duna mi gratitut i hopi pasenshi den tur aspekto di mi bida.