Hende ta puntra mi:
“Dikon bo ta sigui hasi esaki? E ta yuda di berdat?”
Esaki ta un pregunta honesto. Nos ta mira tantu sushi, tanto problema, ku ta parse manera loke nos ta hasi no ta basta. Pero mi ta sigui sali tur siman.
No pasobra mi tin ku hasi’é, sino pasobra mi ta kere:
Kambio mester kuminsá ku nos mes.
No kreando maneho só
No den un kampaña grandi.
No den palabra grandi.
Kambio mester kuminsá den nos mes man, ku nos mes, komo ehèmpel.
Kiko e ta yuda?
Tur pida sushi ku nos por kita for di nos mondi, kaya of laman, ta un paso mas serka di un Kòrsou mas limpi.
Kada djadumingu ku nos ta sali pa limpia, nos ta duna nos isla i nos planeta un chèns pa hala rosea.
Talvez nos no por solushoná tur kos, pero nos por kuida pa nos entorno mes.
Asina e ola di kambio ta kuminsá.
Mi a traha hopi aña den komo parlamentario, kaminda mi a hiba un politika, basa riba nos medio ambiente i rekuperashon di nos naturalesa. Pero mi a komprondé ku e impakto real no ta basá ria politika só.
P’esei mi ta sigui traha riba e mesun mishon – no solamente den palabra, pero den akshon.
Huntu ku boluntarionan fantastiko, den bario, den kunuku, den lugánan ku nos ta pasa hopi biaha sin ripará.
No pa rekonosementu.
No pa aplauso.
Pero pasobra mi sa: Si nos no ta hasi e trabou, ken lo hasi?
Mi mision ta simpel:
Huntu nos por logra e diferensia.
Bo ke tuma parti bo tambe?
Tur djadumingu di 10:30 te 13:00, e tim di KunukuMan ta riba kaya.
Tur hende ta bon biní. Tur man ta konta. www.kunukuman.com
Tuma kontaktu via WhatsApp òf manda mi un mensahe si bo tambe kier duna un man.
