10 di yanüari último, Partido Alternativa Real huntu ku famia Millerson a hasi entregá di e premio “Ekselensia”, William ‘Junior’ Millerson na tres hóben ku a destaká i demostrá ekselensia den nan área. E premio ta fungi komo símbolo di perseveransia i alkansá bo potensial máksimo. Junior Millerson tabata un ehèmpel kon yunan di tera por ekselá, halsa nòmber di Kòrsou rònt mundu i bira lidernan den nos komunidat.
Ganadónan di e premio “Ekselensia 2024” ta:
- Kategoria Deporte: Dena Barby (atletismo)
- Kategoria Akademia: Dillion Goeloe
- Kategoria Envolvimentu Sosial: Marciano Bridgewater (montaña)
Biba un bida di ekselensia ta un eskoho. Manera sr. Millerson semper tabata bisa: ‘ Bai pa lo mehor ”.
PAR ta felisitá Dena, Dillion, Marciano i alabes tambe nan mayornan. PAR ta konta ku e rekonosementu aki lo duna nan e forsa pa sigui ekselá i halsa nòmber di Kòrsou. Meta di e premio aki ta pa propagá ekselensia p’asina kada miembro di nos komunidat por realisá nan potensial. Un danki na kada unu ku a kontribuí na realisashon di e premio aki.
