Miembro di frakshon di PAR, sra. Ana Maria Pauletta, durante e último lunanan, diferente biaha a trese dilanti ku e agènda di parlamento, no ta funshoná optimalmente.
Ta remarkabel ku for di luna di òktober 2023, Parlamento no a inisiá niun reunion Públiko apesar di un kantidat di reunion pendiente. Ta un desaroyo di preokupashon, ku pa e último kuartal Parlamento aparentemente no a sinti e nesesidat pa reuní riba base di artíkulo 96 di nos reglamentu di Òrdu.
Den reunion públiko di Parlamento, miembronan por fiha posishon por medio di moshon, pasa lei i tuma desishon tokante korespondensia. Esaki ta nifiká ku pa e último 3 lunanan, miembronan di Parlamento no a haña e oportunidatnan aki.
Ta urgente pa nos identifiká kua ta e motibunan pa kual e reunion aki, no a keda yamá. Sra. Ana Maria Pauletta ta trese e punto aki dilanti, pa motibu ku ta inklaro, kiko ta motibu pa kual e reunionnan públiko no ta keda yamá.
