Huntu ku Padel Curaçao, Fundashon Our Angels Journey a organisá un tremendo evento di fundraising. Fundashon Our Angels Journey a keda fundá despues di a inisiá un trayekto den korte pa asina por duna tur baby ku nase sin bida nan nòmber i fam ofisial riba e akta na Kranshi. I ku e deseo pa sigui informá i konsientisá riba e tópiko aki, e fundashon ta sigui ku trabounan boluntario.
Padel ta un deporte relativamente nobo na Kòrsou i fundashon Our Angels Journey ta sumamente agradesido ku e kolaborashon ku Padel Curaçao pa hasi e evento aki un realidat. Durante e kompetensia tabatin tres kategoria: Beginner, Intermediate low i Intermediate High. E ganadonan ta:
Beginners:
- Jordi
- The Snel’s
- Almoncids
Intermediate Low:
- Cafeleros
- Ta bon
- Piku Squad
Intermediate high:
- Gideon & Jose
- Terrence & Mitch
- Famia Pas
Fundashon Our Angels Journey lo kier gradisí tur spònser ku a koperá i tambe un i tur ku a partisipá pa hasi asina aki e evento un éksito rotundo. Keda pendiente pa e siguiente aktividat !
